Mar 29, 2019 | Kirol-egokitzapen fisikoa, LPK-Praktikak
Publikatuta: Noelia
Bezeroen desorekak identifikatu eta horiek zuzentzeko hainbat baliabide ezagutzeko, fitness aretoa oso aukera aproposa da gure ikasleentzat.
Aurreko bi ebaluazioetan jasotako informazioarekin ikasleak hainbat ariketa gidatzeko trebetasunak berenganatu dituzte, hauek aipagarrienak:
– Bezeroekin komunikazio aproposa izateko gaitasuna.
– Akatsak identifikatzeko gaitasuna.
– Zuzenketak egiteko eta praktikan jartzeko gaitasuna.
Bigarren ebaluazioan zehar praktiketan egon dira eta honi esker hobekuntza nabaria izan da lehenengo ebaluazioetik hona.
Oraindik ikasteko gauza asko geratzen zaie baina bide honetik doaz.
Animo guztiei!
Mar 15, 2019 | Kirol-egokitzapen fisikoa, LPK-Praktikak
Publikatuta: Noelia
Egokitzapen fisikoko zikloko ikasleek Zumbing, Aerobic, Ziklo Indoor, Fitpump ikusi dituzte ikasturtean zehar, besteak beste, eta orain ikusten dugunez Steparen txanda da.
Trasferentzia positiboa ikusten da hirugarren ebaluazioan egonda eta aurreko bi ebaluazioetan musika landu izanagatik.
Musikaren erritmoa oinarritzat duten ekintza hauetan nahitaezkoa da musika interpretatzen jakitea.
Mar 11, 2019 | Erronkak, Kirol-egokitzapen fisikoa
Publikatuta: Noelia
Harrobiako kiroleko lehenengo mailako ikasleek Bilboko Esclavas ikastetxera joan ziren batxilergoko 55 ikasleei lehen laguntzetako tailer praktikoak eskaintzera.
Tailer hauek antolatzeko ETHAZI metodologia erabili zuten, taldeko erronken bidez eta jarraitutako pausuak ondorengoak izan ziren: ikastetxearekin harremanetan jarri, materialaren garraioa (panpinak, DESAk, etab) antolatu eta egin, jardunaldia planifikatu, edukiak prestatu, etab.
Tailer honi esker ikasleek larrialdi egoera ezberdinen aurrean nola erantzun eta bizitzak salbatzeko ze nolako maniobrak egin ikasi egin zituzten.
Mar 8, 2019 | Kirol-egokitzapen fisikoa
Atzo Harrobiako “Sorospena ur eremu naturaletan” ikastaroko ikasleek, UVR Ertzaintza egoitza bisitatzen egon ziren kirol zikloetako ikasleekin batera.
Bertan sail desberdinak, materialak eta Euskadiko erreskateko profesionalak ezagutu egin zituzten.
Ots 18, 2019 | Kirol-egokitzapen fisikoa, Natur-inguruneko kirola
Harrobia Lanbide Ikastola Kirol-ekintzen sustapeneko zikloko ikasleek azken azterketak egin zituzten La Benedikta kiroldegian. Aldi berean Natur-inguruneko kiroleko zizklokoek Pagasarriko neberotan egon ziren ibilaldian.
